ଷ୍ଟେଟ ବ୍ୟାଙ୍କ ପକ୍ଷରୁ ଗୋପ ସ୍ୱାସ୍ଥ୍ୟ କେନ୍ଦ୍ରକୁ ରୋଗୀ ସେବା ଗାଡି ପ୍ରଦାନ

ଗୋପ (ସୁକାନ୍ତ କୁମାର ସେଠି) ୨୬/୦୯ : ପୁରୀ ଜିଲ୍ଲା ଗୋପ ସ୍ୱାସ୍ଥ୍ୟ କେନ୍ଦ୍ର ରେ ଜରୁରୀ କାଳୀନ ରୋଗୀ ସେବା ପାଇଁ ଆବଶ୍ୟକ ଥିବା ରୋଗୀ ସେବା ଗାଡି ନ ଥିବାର ଦେଖି ଷ୍ଟେଟ ବ୍ୟାଙ୍କ ପକ୍ଷରୁ ଏକ ଜରୁରୀ କାଳୀନ ସେବା ଯୋଗାଇ ଦେବା ପାଇଁ ଏକ ରୋଗୀ ସେବା ଗାଡି ପ୍ରଦାନ କରାଯାଇଛି । ଏହି ରୋଗୀ ସେବା ଗାଡି କୁ ନିମାପଡା ବିଧାୟକା ତଥା ରାଜ୍ୟ ଉପ ମୁଖ୍ୟମନ୍ତ୍ରୀ ପ୍ରଭାତୀ ପରିଡା ନଡିଆ ବାଡେଇ ଫିତା କାଟି ପତକା ଉଡାଇ ଉଦଘାଟନ କରିଥିଲେ । ଏହି ଉଦଘାଟନ ସମୟରେ ଷ୍ଟେଟ ବ୍ୟାଙ୍କର ରାଜ୍ୟ ମୁଖ୍ୟ ଶାଖା ର ଡି ଜି ଏମ ପ୍ରଶାନ୍ତ କୁମାର ,ସି ଜି ଏମ ଦିନେସ ପୃଷ୍ଠି , ଜି ଏମ ପୁନଃବଲମ ମୁରୁଗାନ ,ପୁରୀ ଆର ଏମ ଭରତ ସାହୁ ଗୋପ ଷ୍ଟେଟ ବ୍ୟାଙ୍କ ଶାଖାର ଶାଖା ପରିଚାଳକ ରୋଜାଲିନୀ ପଣ୍ଡା ସହିତ ପୁରୀ ସିଡିଏମ ରୂପଭାନୁ ମିଶ୍ର ,ଗୋପ ସ୍ୱାସ୍ଥ୍ୟ କେନ୍ଦ୍ର ର ଭାରପ୍ରାପ୍ତ ଅଧିକାରୀ ଯସ୍ମୀନ ଅପ୍ରୋଜ ଉପସ୍ଥିତ ଥିଲେ ।ଏହି ରୋଗୀ ସେବା ଗାଡିକୁ ଯେକୌଣସି ରୋଗୀ ସ୍ୱଳ୍ପ ମୂଲ୍ୟ ରେ ବିଭିନ୍ନ ସ୍ୱାସ୍ଥ୍ୟ କେନ୍ଦ୍ରକୁ ନେଇ ପାରିବେ ବୋଲି ଗୋପ ସ୍ୱାସ୍ଥ୍ୟ କେନ୍ଦ୍ର ଅଧିକାରୀ ଯସ୍ମୀନ ଅପ୍ରୋଜ କହିଥିଲେ ।ପୁରୀ ସିଡି ଏମ୍ କହିଥିଲେ ଯେ ଯଦି କୌଣସି ବ୍ୟକ୍ତି ଆର୍ଥିକ ଅଭାବ ରେ ଥିବ ତାଙ୍କୁ ସପୂର୍ଣ୍ଣ ମାଗଣା ରେ ରୋଗୀ ସେବା ଗାଡି ନେଇ ପାରିବେ ବୋଲି ପୁରୀ କହିଥିଲେ । ଭାରତୀୟ ଷ୍ଟେଟ ବ୍ୟାଙ୍କ ପକ୍ଷରୁ ଗୋପ ସ୍ୱାସ୍ଥ୍ୟ କେନ୍ଦ୍ର ରେ ଏକ ଜରୁରୀ କାଳୀନ ସେବା ପାଇଁ ରୋଗୀ ସେବା ଗାଡି ଯୋଗାଇ ଦିଆଯାଇଥିବାରୁ ଅଞ୍ଚଳ ବାସୀ ଖୁସି ହେବା ସହ ଷ୍ଟେଟ ବ୍ୟାଙ୍କ ସମସ୍ତ ଅଧିକାରୀ ଙ୍କୁ ଧନ୍ୟବାଦ ଦେଇଥିଲେ ।